Friday, 5 January 2018

અમદાવાદમાં પક્ષીઓની સારવાર માટે ૨૦ સરકારી ડૉક્ટરો ફાળવાશે



-તા.૧૦થી ૨૦ જાન્યુઆરી સુધી ' મિશન કરૃણા ' હાથ ધરાશે -પતંગની દોરીથી ઘાયલ પક્ષીઓને એનજીઓની મદદથી સારવાર અપાશે


આગામી ઉતરાયણ પર્વ દરમિયાન પતંગની દોરીથી ઘાયલ થયેલા પશુ-પક્ષીઓની સારવાર કરવા માટે વહિવટીતંત્ર દ્વારા તા.૧૦ થી ૨૦ જાન્યુઆરી સુધી ' મિશન કરૃણા ' નામનું વિશેષ અભિયાન હાથ ધરાયું છે. જેમાં પતંગની દોરીથી ઘવાયેલા મુંગા પશુ-પક્ષીઓને તાત્કાલિક સારવાર મળી રહે અને તેમનો જીવ બચાવી શકાય તે માટે એનિમલ એમ્બ્યુલન્સ હેલ્પલાઇન નંબર ૧૯૬૨ જાહેર કરાયો છે. જેમાં ૧૧ એમ્બ્યુલન્સો સાથે ૫૫ જેટલા એનજીઓની મદદ લેવાશે.