Monday, 17 July 2017

ફેડરરની ઐતિહાસિક સિદ્ધિ : આઠમી વખત વિમ્બલ્ડન જીતનારો વિશ્વનો સૌપ્રથમ ખેલાડી...

GIVE ONLINE TEST FOR PRACTISE.......         DOWNLOAD ANDROID APP......


૩૫ વર્ષનો ફેડરર વિમ્બલ્ડનનો ઓલ્ડેસ્ટ મેન્સ સિંગલ્સ ચેમ્પિયન.
ફાઈનલમાં સિલીકનો ૬-૩, ૬-૧, ૬-૪થી પરાજય ફેડરરે રેકોર્ડ ૧૯મું ગ્રાન્ડ સ્લેમ પોતાના નામે કર્યું.
સ્વિત્ઝર્લેન્ડના લેજન્ડરી સુપરસ્ટાર ફેડરરે ૬-૩, ૬-૧, ૬-૪થી ક્રોએશિયાના મરીન સિલીકને હરાવીને કારકિર્દીનું વિશ્વવિક્રમી આઠમું વિમ્બલ્ડન ગ્રાન્ડ સ્લેમ ટાઈટલ જીતવાની ઐતિહાસિક સિદ્ધિ મેળવી હતી.  આ સાથે ફેડરર આઠ વખત વિમ્બલ્ડન મેન્સ સિંગલ્સ ટાઈટલ જીતનારો વિશ્વનો સૌપ્રથમ ટેનિસ ખેલાડી બની ગયો હતો.

ફેડરરે ચેમ્પિયન બનવાની સાથે સૌથી વધુ ૭-૭ વખત વિમ્બલ્ડન જીતવાના બ્રિટનના વિલિયમ રેનશૉના એમેચ્યોર એરાના  અને અમેરિકાના પેટ સામ્પ્રસના ઓપન એરાના વર્લ્ડ રેકોર્ડને તોડી નાંખ્યો હતો. ૩૫ વર્ષીય ફેડરરે આ ઉપરાંત સૌથી મોટી ઉંમરે વિમ્બલ્ડન મેન્સ સિંગલ્સ ટાઈટલ જીતવાનો ઓપન એરાનો રેકોર્ડ સર્જ્યો હતો. છેલ્લે ૧૯૭૫માં આર્થર એશ અહીં ચેમ્પિયન બન્યા ત્યારે તેઓ લગભગ ૩૨ વર્ષના થઈ ગયા હતા.